2025.05.21 өдөр “Ерөнхийлөгчийн илгээлт 2100” хэлний бэлтгэл хөтөлбөрийн ШУТИС, МУИС дээр суралцдаг оюутнуудын дунд “Сагсан бөмбөгийн нөхөрсөг тэмцээн-2025”-ийг ШУТИС, Гадаад хэлний сургууль амжилттай зохион байгууллаа. Тэмцээнд эрэгтэй, эмэгтэй нийт 15 баг оролцож хурд, хүч чадал, ур чадвараа сорилоо. Сагсны эрэгтэй төрөлд 1 байранд МУИС-ийн герман -хятад хэлний холимог баг, 2-р байранд МУИС-ийн англи хэл-2, 3-р байранд МУИС-ийн чех хэлний баг шалгарч алт, мөнгө, хүрэл медаль, өргөмжлөл, мөнгөн шагналыг хүртлээ. Сагсны эмэгтэй төрөлд 1 байранд ШУТИС-ийн япон хэлний баг, 2-р байранд МУИС-ийн герман хэлний баг, 3-р байранд ШУТИС-ийн англи хэлний 2-р баг шалгарч алт, мөнгө, хүрэл медаль, өргөмжлөл, мөнгөн шагналын эзэн боллоо. Эрэгтэй шилдэг тоглогчоор МУИС-ийн герман -хятад хэлний холимог багийн ахлагч Б.Энх-Амар, эмэгтэй шилдэг тоглогчоор ШУТИС-ийн япон хэлний багийн ахлагч Ц.Цэндмаа нар шалгарлаа. Тэмцээнд оюутнуудаа бэлтгэн хамтран ажилласан чиглүүлэгч багш Ш.Оюумаа, О.Золзаяа, Л.Сарангэрэл нартаа баярлалаа.