“Ice Scholars 2025” аялалтай тэтгэлэгт хөтөлбөрт оюутнууд

амжилттай оролцлоо

1034 мөрөөдөл-15 боломж-1 гайхалтай аялал.

“Айсмарк” ХХК-ийн “Ice Scholars 2025” аялалтай тэтгэлэгт хөтөлбөр хоёр дахь жилдээ амжилттай хэрэгжлээ. Тус хөтөлбөрт Монгол орны өнцөг булан бүрээс нийт 1034 оюутан эхний шатанд хамрагдаж, хоёрдугаар шатанд 50 оролцогч шалгарч, “Мөрөөдлөө зурсан би” сэдэвт видео бичлэгээ илгээсэн. Эдгээрээс 15 шилдэг оролцогч шалгарч, тэднээс шилдгийн шилдэг 2 оюутан БНХАУ-д аялах эрх хүртэн, сурагчийн ширээнээс дэлхийн хөгжлийг танин мэдэх боломжийг олж авсан юм. Харин үлдсэн 13 шилдэг оролцогчид тус бүр 1,000,000 төгрөгийн сургалтын тэтгэлэг гардуулсан. Энэхүү тэтгэлэгт хөтөлбөр нь зөвхөн мөнгөн дэмжлэгээр хязгаарлагдаагүй бөгөөд шилдэг оролцогчдын мэдлэг, хувь хүний хөгжилд онцгойлон анхаарч, хагас жилийн турш системтэй, сонирхолтой сургалтуудыг зохион байгууллаа.

Энэхүү тэтгэлэгт хөтөлбөрт ШУТИС-ийн ГХС-ийн ТТО хятад хэлний 1-р курсийн оюутан Г.Чинчулуун тэтгэлэг хүртсэн амжилт гаргажээ. Тус оюутан нь 2025-2026 оны хичээлийн жилд ШУТИС-ийн Ректорын нэрэмжит “Шилдэг элсэгч” тэтгэлгийг мөн хүртэж байсан шилдэг оюутан юм. Оюутнуудаа зааж сургаж, тэмцээн уралдаанд байнга бэлдэж оролцуулдаг зөвлөх багш Л.Чойжилмаад талархал илэрхийлье.

 “Багш хаалга нээнэ, харин чи өөрөө орно.”

 “Мэдлэг бол хамгийн сайн хөрөнгө оруулалт.” — Benjamin Franklin

2026.03.23