ГХС-ийн ТТО хятад хэл мэргэжлийн ангийн оюутнуудтай 11 сарын 1-ний өдөр зөвлөх багш Л.Чойжилмаа ангийн ажил зохиолоо. Үүнд:

1. Оюутнуудын сурах идэвхийг нэмэгдүүлэх зорилгоор БНХАУ-ын Шандуны ШУТИС-д солилцооны хөтөлбөрт хамрагдсан хятад хэлний 4-р курсийн оюутан Бадамцэцэг, Буд-Эрдэнэ нарыг шинэ элсэгч нартай хамтарсан уулзалт зохиож ярилцлага өрнүүллээ. Оюутнууд суралцах хугацаандаа хятад улсад очиж танилцах дадлага хийхээс гадна амжилттай суралцсан оюутан Шандуны ШУТИС-ийн тэтгэлгээр 1 жил суралцах боломжтойг танилцуулав.
2. Зөвлөх багш Л.Чойжилмаа оюутнуудын хамт ШУТТНС-д очиж ГХС-ийн Русский центр, Инновацид суурилсан орчин үеийн Америк англи хэлний анги болон Англи хэлний академийг үзүүлэв. Мөн ШУТТНС-ийн “Хятад хэлний төв” (503 тоот)-ыг танилцуулж, оюутнуудад эдгээр анги танхимын зориулалт, үйл ажиллагааны талаар дэлгэрэнгүй тайлбарлаж өгөв.
3. 10-р долоо хоногт хаврын улирлын сонголт 1 хийхтэй холбоотой оюутнуудад хаврын улирдын хичээл сонголт, зайлшгүй болон сонгон үзэх хичээлийн талаар тайлбарлав. Оюутны вэбэд байгаа Сургалтын төлөвлөгөөг нэг бүрчлэн тайлбарлаж, оюутнууд хичээл сонголт хийхэд юуг анхаарах талаар анхааруулж хэлэв.

ГХС. АСС