ГХИ-ийн “Техникийн мэргэжлийн орчуулга”, “Компьютер-гадаад хэл” мэргэжлийн оюутнуудын дунд зохиогддог уламжлалт Англи хэлний олимпиад амжилттай явагдаж дууслаа

ГХИ-ийн Хэрэглээний хэл шинжлэлийн тэнхимээс “Техникийн мэргэжлийн орчуулга”, “Компьютер-гадаад хэл” мэргэжлийн оюутнуудаа хамруулан 2017 оны 03 дугаар сарын 27-ны өдрөөс 04 дүгээр сарын 04-ний өдрүүдэд Англи хэлний уламжлалт олимпиадыг 3 үе шаттайгаар зохион байгуулж дүнгээ гаргалаа.

Олимпиадын эхний шатанд “Техникийн мэргэжлийн орчуулга /англи, япон, хятад, солонгос хэл /”, “Компьютер-гадаад хэл /англи хэл/” мэргэжлийн I, IV курсийн 40 оюутан оролцож англи хэлний хэл зүй үгийн сангийн мэдлэг, сонсох чадварыг тест хэлбэрээр сорьсноос 16 оюутан 2-р шатанд шалгаран техник технологийн сэдэвт дүрс бичлэгийг англи хэлнээс монгол хэлэнд, техник технологийн сэдэвт эхийг монгол хэлнээс англи хэлэнд бичгийн орчуулга хийх эрх авсан ба олимпиадын сүүлийн шатанд оноогоороо тэргүүлсэн 8 оролцогч “How can you use an advanced technology to become a successful technical translator?”сэдвээр илтгэл хэлэлцүүлж өрсөлдөв. Олимпиадын оролцогчдын байр эзэлсэн байдлыг танилцуулбал:

1-р байранд ТМО /англи хэл/ IV курсийн оюутан Г.Гэрэлмаа

2-р байранд КГХ IV курсийн оюутан Д.Дөлгөөн

3-р байранд ТМО /англи хэл/ IV курсийн оюутан Г.Ганзаяа нар тус тус шалгарлаа.

Олимпиадын шүүгчдийн бүрэлдэхүүнд ГХИ-ийн Хэрэглээний хэл шинжлэлийн тэнхимийн англи хэлний олимпиадыг зохион байгуулах комиссын гишүүд ажиллаж, ТМО I курсийн оюутан Б.Дүүрэнбилэг хөтлөн явууллаа.

Хэрэглээний хэл шинжлэлийн тэнхимийн

олимпиад зохион байгуулах комисс