Оюутны эрдэм шинжилгээ, судалгааны ажлын ур чадварыг дээшлүүлэх, дадлагажуулах, бүтээлч сэтгэлгээг дэмжих, онол практикийн уялдаа холбоог сайжруулах зорилгоор ГХС-ийн оюутны “Хэрэглээний хэл шинжлэл ” сэдэвт эрдэм шинжилгээний хурлыг 2025 оны 03 сарын 19-ны өдөр зохион байгууллаа. Тус хуралд нийт 20 оюутан илтгэл хэлэлцүүлснээс бакалаврын түвшинд ГХО-ийн англи хэлний ангийн 8 оюутан, хятад хэлний ангийн 8, мөн БС-ийн хамтарсан хөтөлбөрийн оюутны төлөөлөл, магистрын түвшинд 2 оюутан илтгэл хэлэлцүүлж оролцлоо. Энэ удаагийн ЭШХ-ын шүүгчийн бүрэлдэхүүнд ГХС-ийн Ази судлалын салбарын эрхлэгч Т.Ууганбаяр (доктор, дэд профессор), ХХШС-ын профессор С.Бархас (доктор, дэд профессор), ШУА-ийн ХЗХ-ийн судлаач доктор Т.Пүрэвсүрэн нар ажиллаа.

Бакалаврын түвшинд нийт 18 оюутан илтгэл хэлэлцүүлснээс:

1-р байранд М.Анарши “Автотээврийн хэрэгслийн нэр томьёоны орчуулгын асуудалд” сэдвээр

2-р байранд:  Б. Г.Цолмон, “Их Сургуулийн оюутны хичээл, бие даалтын ажилд ChatGPT хэрэглэх нь” сэдвээр

3-р байранд:  Э.Баясгалан, Г.Номуунцэцэг “Хятад хэлний цаг заасан在、当、于угтвар үг монгол хэлнээ илрэх нь” сэдвээр

Тусгай байранд: Б.Энхжин, “Ээж” гэдэг үг монгол, хятад хэлний хэлц үгээр илрэх нь сэдвээр илтгэл хэлэлцүүлж тус тус шалгарлаа.

Магистрын түвшинд:

1-р байранд Т.Жавзандулам

“Хэт авианы сорилын тоног төхөөрөмжийн нэр томьёоны орчуулгын судалгаа”

2-р байранд Г.Тунгалаг “Барилгын норматив баримт бичиг дэх гадаад нэр томьёоны хэрэглээ” сэдвээр шалгарлаа.

Багш оюутны хамтын ажиллагааг хөгжүүлэхэд хамтран ажилласан удирдагч багш нартаа нартаа талархал илэрхийлье.