ГХС-ийн Цахим хичээл бэлтгэх ажилтай холбоотойгоор АСТ-ийн Л.Чойжилмаа, Л.Сарангэрэл, Д.Анхтуяа, Н.Булганчимэг багш нар “AI ашиглах интерактив хичээл бэлтгэх арга зүй” 2 модуль сургалтанд хамрагдаж батламж хүртлээ.

Тус сургалт 1 сарын хугацаанд танхимаар орсон бөгөөд багш нар цахим хичээл бэлтгэхэд хэрэглэх платформууд болон түүнийг хэрхэн ашиглах, зураг бичлэг хэрхэн оруулах, аудио болон бичлэг хэрхэн бэлтгэх хийгээд хичээлд хэрхэн оруулах, шалгалтын асуудал хэрхэн боловсруулах ямар платформ ашиглах зэрэг мэдлэгийг эзэмшсэн.

Мөн цахим хичээл боловсруулах аргазүйн зөвлөмжтэй танилцаж, хичээл боловсруулахад анхаарах зүйл, дэлгэцийн зохиомжлол буюу дизайн ямар байх, өнгөний зохицлыг хэрхэн хийх зэрэг аргазүйд суралцлаа.

Тус сургалтад суух бололцоог хангаж төлбөрийг хариуцсан Гадаад хэлний сургуулийн удирдлага болон хичээл зохицуулалт, анги танхимаар хангасан АСТ-ийн эрхлэгч нартаа талархлаа илэрхийлье.

Ази судлалын тэнхим