“Хятад хэлний клуб” 2019-2020 оны намрын улирлын арга хэмжээний хүрээнд XXI зууны тэргүүлэх шинжлэх ухаан болох тархи судлал буюу “Brain science” сэдвээр анх удаагаа чөлөөт хэлэлцүүлгийг клубийн гишүүд болох ШУТИС-ийн хөтөлбөрийн болон ТТО-хятад хэлний ангийн оюутнуудад ирээдүйн сургалт судалгаа, ажил мэргэжилдээ улам ихийг хийж бүтээх суурийг нь таниулах зорилготойгоор амжилттай зохион явууллаа.
Энэ удаагийн чөлөөт хэлэлцүүлгийг клубийн зөвлөх Ц. Эрдэнэзаяа багш “Brain science” гэж юу болох, юуг судлах, Монгол улсад хэзээ хөгжиж эхэлсэн, ямар зорилготойн талаар мэдээлэл хүргэж хэлэлцүүлгээ эхлүүллээ.
Дэлхий дахинд тархи судлалыг 21 дүгээр зууны тэргүүлэх шинжлэх ухаан болгон зарласан ба сэтгэл судлал, сэтгэцийн эмгэг судлал, мэдрэл судлал, мэдрэлийн мэс засал, нейроимежинг зэрэг олон салбарын суурь шинжлэх ухаан нь тархи судлал юм.
Тус хэлэлцүүлгээр оюутнууд тархины бүтэц, багтаамж, хүлээн авах чадвар, болзолт болон болзолт бус рефлекс, тархийг гэмтээж буй хүчин зүйл, хэрхэн хөгжүүлэх, хамгаалах, холбоотой сонирхолтой баримт, шинэ технологи, шинэ судалгаа зэрэг олон чиглэл, агуулгаар хоорондоо мэдээлэл солилцож, харилцан суралцсан үр дүнтэй болсонд хятад хэлний клубийнхэн сэтгэл хангалуун байна.
Энэхүү хэлэлцүүлэгт ГХС-ийн ТТО-хятад 3-р анги, ЭХС-ийн 2+2 хөтөлбөрийн 2-р ангийнхан болон клубийн бусад идэвхтэн гишүүд нийт 30 гаруй оюутнууд идэвхтэй оролцлоо.
Хятад хэлний клубийн үйл ажиллагаанд идэвхтэй оролцдог, дэмжин ажилладаг хүндэт багш, оюутан, клубийн гишүүддээ гүн талархлаа илэрхийлье.
ГХС-Хятад хэлний клуб 2019-11-20
ШИНЖЛЭХ УХААН, ТЕХНОЛОГИЙН ИХ СУРГУУЛИЙН “OPEN CAMPUS” НЭЭЛТТЭЙ ӨДӨРЛӨГ ЗОХИОН БАЙГУУЛАГДАВ
Ерөнхийлөгчийн илгээлт 2100” -ийн “Сагсан бөмбөгийн нөхөрсөг тэмцээнийг ШУТИС. ГХС амжилттай зохион байгууллаа.
ОЛОН УЛСЫН ХЯТАД ХЭЛНИЙ ГҮҮР ТЭМЦЭЭН
The 11th International Conference on Asian Studies Successfully Held
“Ази судлал олон улсын эрдэм шинжилгээний XI” боллоо.