МУИС.ШУС.ХУС-ийн Ази судлалын тэнхимийн хятад судлалын салбар болон МУИС-ийн ОРчуулагч, Хэлмэрчийн Мэргэшлийн Үнэлгээний Төвтэй хамтран хятад хэлний үеийн  галиг тогтоосны 10 жилийн ойд зориулсан “Хятад, монгол орчуулгын улсын уралдаан”-ыг 2025.11.12-12.5-ны өдрүүдэд хоёр үе шаттай явуулсан.

Тус уралдаанд Монголын их, дээд сургуулиудын хятад хэлний орчуулагч мэргэжлээр суралцаж буй оюутнуудын орчуулгын чадвар, хэл соёлын мэдлэг болон мэргэжлийн ур чадварыг сорих зорилготой зохион байгуулсан.

Энэхүү улсын хэмжээний уралдаанд МУИС, ШУТИС, МУБИС, ХУИС зэрэг нэр хүндтэй сургуулиудын оюутнууд оролцсон бөгөөд шүүгчдийн үнэлгээгээр эхний шатнаас 8 оюутан шалгарч II шатанд өрсөлдсөн. II шатанд оролцогчид хятад хэлнээс монгол хэл рүү орчуулах даалгаврыг өгөгдсөн хугацаанд гүйцэтгэж, орчуулгын зөв бичих зарчим, найруулгын чанар, утгын үнэн зөв дамжуулалт зэрэг шалгуураар дүгнэгдэн

1. р байранд Л.Солонго /МУИС/
2. р байранд Ж.Аякез /МУБИС/
3. р байранд Ш.Болдсайхан /ХУИС/

Шагналт байранд О.Номин /ШУТИС/

                               Б.Пүрэвсүрэн /МУБИС/ нар тус тус шалгарлаа.

Уралдаанд амжилттай оролцсон хятад хэлний 1-р курсийн оюутан О.Номин болон удирдсан багш Л.Чойжилмаа нартаа талархал илэрхийлье.

Тус уралдаан нь оюутнуудын орчуулгын ур чадварыг дээшлүүлэх, хэл соёлын мэдлэгийг нэмэгдүүлэх болон цаашдын сургалт судалгаа, мэргэжлийн хөгжилд нь чухал хувь нэмэр оруулсан үйл явдал боллоо.

Ази судлалын тэнхим